ඔබ එකම ක්රියාව දින 90ක් අඛණ්ඩව කරන විට එම ක්රියාව පුරුද්දක් බවට පත්වේ, එවිට එය ක්රියාත්මක කිරීමට ඔබගේ සවිඥානික අවධානය (Conscious attention) තවදුරටත් අවශ්ය නොවේ. ඔබගේ මොළය එම නිශ්චිත චර්යාව සඳහා කැපවූ, භෞතික අධිවේගී ස්නායු මාර්ගයක් සාර්ථකව ගොඩනගා ගන්නා අතර, එමගින් වෙනත් සංකීර්ණ දේවල් ගැන සිතීමට ඔබගේ සවිඥානික මනස නිදහස් කර දෙයි.
ක්රියාවලිය
1. පූර්ව ඉදිරිපස බාහිකයේ “අවහිරය” (Prefrontal Executive Bottleneck) මඟ හැරීම
පළමු සති කිහිපය තුළ, ක්රියාව මෙහෙයවනු ලබන්නේ ඔබගේ මොළයේ පූර්ව ඉදිරිපස බාහිකය (Prefrontal Cortex) — එනම් සවිඥානික තීරණ ගැනීමේ සහ කැමැත්තෙහි කේන්ද්රස්ථානය — මගිනි. මේ සඳහා දැවැන්ත මානසික ශක්තියක්, අවධානයක් සහ දෝෂ නිරීක්ෂණයක් අවශ්ය වේ. මෙහිදී මොළය ක්රියාත්මක වන්නේ සහකාර තීරු ලූපය (The associative corticostriatal loop) හරහාය.
මෙහිදී පුනරාවර්තන කාර්යය ගැන සිතීම සඳහා අධික ශක්තියක් නාස්ති වන බව මොළයට වැටහේ. එවිට, එහි පාලනය මොළයේ ගැඹුරින් පිහිටි බාසල් ගැන්ග්ලියා (Basal Ganglia) වෙත මාරුවේ. විශේෂයෙන්ම එහි ඇති Dorsolateral Striatum (DLS) ප්රදේශය වෙත මාරුවේ.
2. පූර්වජීවී ගැන්ග්ලියා / පාදස්ථ මධ්යය (Basal Ganglia) මගින් ක්රියාව කොටස් වලට බෙදීම (Chunking)
ඔබ මාසයක් පසු කර දින 90 සීමාව දෙසට ළඟා වන විට, පුනරාවර්තන අත්දැකීම් හේතුවෙන් මොළය අනුවර්තනය වේ. (එනම් මොළයේ ඇති ස්නායු සෛල (Neurons) නව තත්වයන්ට අනුව ව්යුහාත්මකව සහ ක්රියාකාරීව නැවත සකස් වේ. මෙය ස්නායු ප්ලාස්ටිසතාව / නියුරොප්ලාස්ටිසිටි (Neuroplasticity) ලෙස හැඳින්වේ).
Striatum (තීරුව) යනු; බාසල් ගැන්ග්ලියා ව්යුහයට අයත්, එහි පිටුපසට සහ පිටතට වන්නට පිහිටි ප්රදේශයකි. පුරුදු (Habits) ඇතිවීම සහ ස්වයංක්රීය චලන රටා පාලනය කිරීම මෙහි ප්රධාන කාර්යයයි. මෙම කොටස් මඟින් තනි තනි චලනයන් අනුපිළිවෙලට ගෙන, ඒවා එකිනෙකට බද්ධ කර “කුට්ටි” (Chunks) ලෙස ස්වයංක්රීය මතක පිටපතකට සම්පීඩනය කරයි.
3. අඩු ශක්ති චර්යාව (Low-Energy Routine)
90 වන දින වන විට, පුරුදු ලූපය (Habit loop) ඔබගේ ස්නායු මාර්ගවල කෙතරම් ගැඹුරින් සටහන් වී ඇත්ද යත්, එම චලනය තවමත් ඔබගේ ස්වේච්ඡා ස්නායු පද්ධතිය (Somatic/Voluntary nervous system) මගින් මාංශ පේශි හරහා ක්රියාත්මක වුවද, එය ක්රියාත්මක කිරීමට අදාළ විධානය හෝ උත්තේජනය ස්වයංක්රීයව මොළයේ පසුබිම (Background) තුළ ධාවනය වේ.
